Note e Versi Meridiani

Na Guerra

Testo e musica di Luciano Somma - Nicola Pantalone - Guido Sacco

Canta Raffaele Giglio

Raffaele Giglio, Nà guerra, da MilleVoci 2011

I

Ogni juorno 'a nutizia ce gela

Accussì nun se po' cchiù campà

Chesta varca è oramaje senza vela

È stu viento s'' a sbatte a ccà e a llà.

E so' ciento, so' mille criature

Piccerelle e cchiù grosse d'età

C'ogge tremmano sulo 'e paura

E dimane chisà che sarrà.

Quanta voce ca cercano aiuto

Quante alluccano pe' sti 'nfamità

Tutt''e suonne se songhe perdute

E se cerca na mano 'e pietà.

Pe' tramente 'a 'int''e nuvole scure

Manco 'o sole se vo' cchiù affaccià

So' rimaste 'e speranze cchiù annure

E se more credenno 'e campà.

 

E' na guerra sta vita ca 'nterra

Che dulore stu tiempo ce dà

Quanta ggente ogni attimo afferra

Pecchè 'ncielo se l'adda purtà

.

E so' tante 'e traggedie p''o munno

e ce stà chi nun vede e nu sente…

cà se chiagne, se chiagne a zeffunno,

pe' sta guerra ca nun vo ferni'

 

II

Quanta voce ca cercano aiuto

Quante alluccano pe' sti 'nfamità

tutt''e suonne se songhe perdute

e se cerca na mano 'e pietà.

Pe' tramente 'a 'int''e nuvole scure

Manco 'o sole se vo' cchiù affaccià

So rimaste 'e speranze cchiù annure

E se more credenno 'e campà!

 

 

E' 'na guerra sta vita ogni juorno

Nun è giusto ma intanto è accussi'

Tutte corrono corrono attuorno

A sta giostra ca porta a muri'

 

 

E chi crea sti traggedie nun penza

Nun riesce nemmeno a capi'

Ca pur'isso ha gia avuto 'a sentenza

'A sta guerra ca nun vo ferni'

Centro Culturale e di Studi Storici "Brigantino - il Portale del Sud" - Napoli e Palermo admin@ilportaledelsud.org ®copyright 2010: tutti i diritti riservati. Webmaster: Brigantino.

Sito derattizzato e debossizzato