1

Miez’’o mare na chiorma ‘e gabbiane

Tortura na vela

Ca ‘mpruvvisa se ‘mpenna e me pare

Che sta p’affunnà

P’’a riviera Giesù quanta luce

Ce stanno stasera

Chiove e ‘a ggente sta chiusa ‘int’’e ccase

‘e sta bella città.

Pe’ tramente scenne lenta

Sta nuttata napulitana

Cielo scuro lampe tuone

Cu’’a speranza ‘e dimane chisà

Quanta suonne dint’’e suonne

Se ne vanno ‘int’a nuttata

Cu duje uocchie ’e na Maria

Ca n’ammore me po’ da’.

2

Forse l’alba ce purtarrà ‘o sole

Ca vasa sti ccase

songhe secule e aspettano ancora

Na vita ‘e campà .

‘A luntano nu suono ‘e chitarra

se sente e se spera

ca dimane, si, forse dimane

se torna a cantà.