Note e Versi Meridiani

Paura

di Luciano Somma, recitata dall'attore Antonio Mencarini

Andy Warhol, Vesuvius, 1985. Unicum serigrafico (in nero)

 

Nu lampo

'int''o cielo sereno

po' n'ato e po' n'ato

nu tuono

na nuvola scura

e po' acqua a zeffunno,

paura!

Paura d''a ggente,

paura d''a folla ,

paura 'e n'amico,

paura 'e ll'ammore,

paura p''e figlie,

paura d''a vita,

paura d''a morte,

paura!

L'affanno

me guasta 'o respiro,

nemico stu munno

me rieste tu sola,

cunforto 'e sta penna,

bellezza 'e stu core,

'ncantesimo 'e st'uocchie,

tu, Napule.

E invece?

Tu pure,

tu pure me 'nganne,

e strascine sti juorne

senz'ombra 'e speranza

c''o sciato d''a morte

a ogn'angulo 'e via.

E i' tremmo 'e paura...

Paura d''o sanghe,

paura d''o ffuoco,

paura d''o mmale,

paura d''a vita,

paura d''a morte,

paura 'e sta morza d'acciaro c'astregne...

Paura...paura...paura...

 

Luciano Somma

da N'atu Dimane, Ed. Del Delfino Napoli, 1982

Centro Culturale e di Studi Storici "Brigantino - il Portale del Sud" - Napoli e Palermo admin@ilportaledelsud.org ®copyright 2009: tutti i diritti riservati. Webmaster: Brigantino.

Sito derattizzato e debossizzato