Piscatore 'e 'stu mare 'e Pusilleco
ch'ogne notte me sient''e cantà,
piscatò sti pparole so' llagreme
pe' Maria ca luntana me stà!...
Dorme 'o mare... Voca, voca! Tutto è pace attorno a te
Ma pecchè...
Ma pecchè m'hè lassato,
mentr'io moro, stanotte, pè tte? Casarella d' 'o Cap' 'e Pusilleco,
sponta 'a luna e te vene a vvasà...
Quanta notte aggio perzo guardannote,
quanta juorne aggio visto schiarà!
Dorme 'o mare... Voca, voca! Tutto è pace attorno a me
Ma pecchè...
Ma pecchè m'hè lassato,
mentr'io moro, stanotte, pè tte? Zitto, oi core, ca 'nterra Pusilleco,
veco n'ombra ca segno me fa...
...'Na manella e 'na voce me chiammano: è Maria ca cu mme vo’ turnà!
Dorme 'o mare... Oi bella viene!...
Ncielo 'a luna saglie e va...
Vita mia!
Vita mia... me vuò bene?...
Ca si è suonno... Nun farme scetà!
Dorme 'o mare... Voca, vò... | 
