Poesie della tradizione

Un servu, tempu fa di chista chiazza,
ccussì priava a Cristu e cci dicia:
"Signuri! U me patruni mi strapazza!
Mi tratta commu un cani inta la via;
tuttu si pigghia ccu la so manazza
macari a vita e dici chi nun è a mia.
Si ppò mi lagnu cchiù peggiu mi minazza,
a bbastunati mi lliscia u pilu e m'impriggiunia.
Quindi, ti pregu, chista mala razza,
distruggila tu, Cristu, ppi mia!

Risposta del Cristo:
"E ttu, forsi, hai ciunchi li brazza?
Oppuri l'hai inchiuvati commu a mia?
Cu voli a giustizzia si la fazza
Né speri cìautru la faria ppi tia.
Si ttu si omu e nun si na testa pazza,
metti a fruttu sta sintenza mia:
iu nun saria supra chista cruciazza
S'avissi fattu quantu dissi a ttia".