Note e Versi Meridiani

Villanella a ballo del XVII sec. detta anche "rionna": ballo in tondo

Li 'ffigliole che n'hanno ammore
songo varche senza la vela,
so' lanterne senza cannela
songo cuorpe senza lu core,
li 'ffigliole che n'hanno ammore.
 

Li 'ffigliole che n'hanno amante

so' comm'arvole senza frutte,
so' turreno sicche ed asciutte
ca nun fanno sciure né chiante,
li 'ffigliole che n'hanno amante.
 

Li 'ffigliole che n'hanno amice
sanno poco che cosa è 'o bbene,
quanno po' la vecchiezza vene
s'asciarranno triste e 'nfelice,
li 'ffigliole che n'hanno amice.
 

Zetelluccie belle e cianciose
mò gustate che tiempo avite,
mò che tennere e fresche site,
tiempo 'e cogliere mò li rose,
zetelluccie belle e cianciose.
 

Lu pacchiano che beve e sciacqua,
va 'nforrato de stoppa e llino,
ma se aguanno non se fà vino,
se la face 'na panza d'acqua,
lu pacchiano che beve e sciacqua.

Note

La trascrizione della canzone è a cura della signora Astrid Filangieri