|
Chist’anno ammore mio è già
passato
e furtunatamente aggio scurdato.
Nun voglio di’ ca è stato
malamente
ca ha camminato senza scarpe e
lente
ma ha fatto ‘o locco justo pe’
scacà
e nun tenimmo niente ‘a ce stipà.
Chist’anno bene mio facenno ‘o
fesso
ci ha purtato ‘a pavà rogne e
‘nteresso
‘e sacche ci ha scusute a uno a
uno
‘a panza s’è ‘mparata a fa’ ‘o
diuno
‘a chiocca cchiù nun penza e nun
sparagna
‘o piello tene ‘a raggia pe’
cumpagna.
Chist’anno core mio è stato
allero
pe chillo ca fatica ‘o ministero
pe sindace assessore e deputate.
Cu ‘e sorde nuoste ormai se so’
apparate
e pure si quaccuno hanno
acchiappato
cu chesta legge ampressa hanno
lassato.
Chist’anno vita mia è parzo ‘o
stesso
‘e chillo ‘e primma e de chill’ato
appriesso.
Chi chiagne chi s’accide e chi
spupazza
chi perde ‘o posto chi corre e
chi ‘ntrallazza
chi ‘a femmena t’a tratta comme
‘a cosa
e chi taglianno ‘e spine sfronna
‘a rosa.
Chist’anno sciore mio è stato
futo
int’o ciardino ‘a lota po’ è
fernuto.
‘O prossimo me pare segnalato
già sape che ce trova int’o
pignato
perciò si bussa ‘a porta stu
zuzzuso
lassallo fora ca è nu pettemuso.
|
