'E signore 'e 'ncoppa a spiaggia
songo ddoie o songo ciento
sotto 'o sole o ‘mbraccio 'o
viento
so pigliate a na passione
ch 'e fa sta sott'o 'mbrellone
tutte aunite a ciacià
pecchè è bello a se 'mpiccià.
'E signore 'e 'ncoppa a' rena
pure quanno 'a luna è chiena
so capace 'e sta pe' ore
a sfrunnà don Loigino
ca va a lietto int'a matina...
e 'nciucià si 'a signurina
ca mo’ esce in pedalò
va p’o mare a fa’ ndò-ndò.
'E signore 'e 'ncoppa 'o bagno
sanno pure che te magne...
si sì pippo o sì furesta...
si te prore e tutt'o riesto...
Comme è sciacqua Graziella
ca se crede guagliuncella...
quanno è vecchia 'a dutturessa
cu l'età ca è sempe 'a stessa...
Sanno 'e tutti tutte 'e cose
e se sentono e schiattà
si nun ponno sciurià.
'E signore 'e 'ncoppa 'o mare
so' na razza assaje speciale
pecchè, siente, sti cummare
o so' 'e Roma o piemontese
o 'e Catania o so' 'e Varese
so' 'a cchiù aunita cumpagnia
e te fanno a turno 'a spia.
'E signore d'a staggione
tutte a core co'mbrellone
so' 'e mastresse d'o rusario:
comme trase in calannario
esse arapeno 'o sipario
e te fanno pe maria
ogne santa litania.
Ma...cummà, tu fa attenzione,
statte accorta e nun scurdà
ca... una vota... si pe scagno,
tu nun staie cu sti cumpagne,
statte certa ca 'o ciacià
propio a te te toccarrà!
|