|
E pe chist’anno
fa sguiglià nu core
ca fosse
masto ‘e vita e ‘mpustatore
pe da’ nu
poco ‘e sciato sti guagliune
ca dint’a
chesta Italia so’ nisciuno.
E pe chist’anno
mannece nu suonno
ca ‘e chesta
vita nun tenesse scuorno
addo’ se
sceta sulo chi è felice
addo’
parianno simmo tutte amice.
E pe chist’anno
voglio nu rilorgio
ca nun
signasse ‘o tiempo ‘e mastuggiorgio
e ca
sbattesse arillo puntualmente
pe figlie
nuoste senza fa’ ‘o pugnente.
E pe
chist’anno miettece abbondanza
dint’a ogne
sacca dint’a a ogne panza
e si na vocca
scoccia e fa pruciesso
falla
cuntenta…’nzerrala int’o cesso.
E pe chist’anno
fa cantà l’ammore
cu tutt’a
forza dint’a ogne core
e a tutte ‘e
nenne lanza na cemmosa
‘a cchiù
carnale…fresca comme a rosa!
E pe
chist’anno famme sta assettato
‘ncoppa a na
seggia senza fa’ ‘o malato
e si ‘a
salute ‘ntona na sunata
a sta ciccona
falle na lavata.
E t’a
fernesco cu sti tre parole
cusute cu
doie mane a volo a volo
c’o sango
spiso e vivo ‘a chesti vene
ca stanno a
ricamà: “Te voglio bene!”
|
