|
Li pumperi
premiati
L’autra notti pigghiò focu
‘na badia di munacheddi!...
Li pumperi, mischineddi,
furu prestu supra locu.
Cu’ correva comu un lampu,
Ccù in cammisa ccà e ddà
Cù dicia: “Astutassi ccà
Pumpiruzzu, prestu,
abbampu!..”
Li pumperi, puvirazzi,
si sentivunu confusi!...
Cuntintari a ‘ddi carusi
Già niscevunu cchiù
pazzi!...
Non vi dicu li cchiu
granni
Di qunt’eranu arraggiati:
“Forza!...Forza!...Pumpiati!...”
Si sintia di tutti banni.
Li pumperi abbinti e
stanchi
Pumpiaru a tuttu ciatu!..
Quannu tuttu fu…astutatu
Si nni jeru senza cianchi!..
L’indumani pri cumpenza,
foru tutti primiati!...
ccù midagghi cuniati:
“Pri valuri e
resistenza!!!...”
Lu Diotru di
lu Chianu
Lu Diotru di lu Chianu
com'è misu, veramenti,
mi scusati si lu dicu,
non mi pari giustamenti!
Lu vurrissi ca guardassi
non la nostra Catidrali,
ma lu nostru gran Palazzu
cusìdittu Cumunali!
Ccu la funcia sò jsata
notti e jornu dici a tutti:
- Citatinu, fila drittu,
si li jammi non vo' rutti!
Sugnu bonu, sugnu caru,
ma si viju cosi storti,
a cu' sbagghia, ccu 'sta funcia,
cci li dugnu...forti forti!
Si moru ju, ccu n'autri
cent'anni,
non vogghiu fattu nuddu monumentu
comu si stila ccu li genii granni,
pirchì pueta granni non mi sentu!
Voggh'èssiri, precisu,
vurricatu
sutta la funcia di lu Liafanti:
di lu cullega miu malasurtatu,
pri ricurdari a tutti li passanti
chi a trenta metri di la
Porta Uzeta,
all'umbra di 'sta funcia prizziusa,
riposa un mudistissimu pueta
ch'à datu corpa a tutti, a la rinfusa.
| 
