Note e Versi Meridiani

Vurria addeventare chianella pe' te stare sotto a 'sti piedi,

ma se lu sapissi

pe' straziarme tu currenno issi.

Vurria addeventare cetrangolo pe' stare a 'sta fenestra,

ma si lu sapissi

pe' darme morte seccare me farrisse.

Vurria addeventare specchio pe' te mirare accussì bella,

ma se lu sapissi

a qualche vecchia brutta me darrisse.

Vurria addeventare ghiaccio pe' nun bruciare accussì forte,

ma se lu sapisse

co' 'st' uocchie ardenti tu me squagliarrisse.

Nota
Si tratta di una antica serenata napoletana, di un anonimo del '600. La trascrizione della canzone è a cura della signora Astrid Filangieri.